En maio do ano 2007, fúndase a Cátedra de Estudos Galegos na Facultade de Filosofía, Letras e Ciencias Humanas da Universidade de São Paulo, co obxectivo de contribuír á promoción do estudo e da divulgación da lingua, literatura e cultura galegas no Brasil.
Ademais de ofrecer cursos de lingua, literatura e cultura ao alumnado da Universidade de São Paulo e demais público interesado, promove eventos culturais relacionados por medio de conferencias, seminarios ou calquera outra actividade que poida servir como vehículo entre Galicia e Brasil.
As nosas actividades desenvólvense fundamentalmente nas cidades de São Paulo e Santos.